У Варшаве 35-гадоваму грамадзяніну Беларусі і 21-гадоваму грамадзяніну Украіны прад’яўлены абвінавачанні ў махлярстве.
Іх затрымалі каля банкамата ў варшаўскім раёне Бемова. «Абодва пастаянна падыходзілі да банкамата і нервова азіраліся па баках», — паведамляе паліцыя.
Затрыманыя патлумачылі, што здымаюць грошы пры дапамозе атрыманых банкаўскіх кодаў. Пры аглядзе ў ўкраінца знайшлі больш за 15 тысяч злотых наяўнымі і банкаўскую картку на чужое імя. Устаноўлена, што ўкраінец і беларус падманам атрымалі коды ад пацярпелых.
Абодвум прад’яўлены абвінавачанні ў махлярстве. Іх заключылі пад варту на тры месяцы.
🔥 Падтрымайце Reform.news данатам!
