Беларусь зможа бязмытна ўвезці 20 тыс. электрамабіляў у 2026 годзе. Такая тарыфная квота зацверджана Еўразійскім міжурадавым саветам у чацвер. Ідзе гаворка пра аўтамабілі, што класіфікуюцца мытным кодам 8703 80 000 3.
Акрамя Беларусі тарыфную квоту на бязмытны ўвоз электрамабіляў у наступным годзе атрымалі Арменія і Кыргызстан. Яны змогуць увезці па 15 тыс. электрамабіляў і паслядоўных гібрыдаў.
“Вызваленне ад выплаты мытных пошлін прадастаўляецца толькі грамадзянам, якія пастаянна пражываюць у Арменіі, Беларусі і Кыргызстане. Пры гэтым не дапускаецца перадача правоў уласнасці, карыстання і распараджэння электрамабілямі асобам, якія маюць грамадзянства і (ці) пастаяннае месца жыхарства ў Казахстане або Расіі. У выпадку з «паслядоўнымі гібрыдамі» забарона таксама датычыцца перадачы правоў асобам, якія маюць грамадзянства і (ці) пастаяннае месца жыхарства ў Беларусі”, – патлумачылі ў ЕЭК.
