Аляксандр Лукашэнка падпісаў указ, які ўхваляе праект пагаднення паміж урадамі Беларусі і Ганы аб бязвізавых паездках па дыпламатычных і службовых пашпартах. МЗС упаўнаважана правесці перамовы і падпісаць дакумент.
Згодна з праектам пагаднення, уладальнікі дыпламатычных і службовых пашпартоў дзвюх краін змогуць уязджаць, знаходзіцца, выязджаць і следаваць транзітам без віз на тэрмін да 30 дзён з даты ўезду. Агульная працягласць знаходжання не павінна перавышаць 90 дзён на працягу каляндарнага года.
“Пагадненне накіравана на развіццё і ўмацаванне супрацоўніцтва паміж Беларуссю і Ганай, стварэнне спрыяльных умоў для актывізацыі кантактаў па лініі органаў дзяржаўнай улады дзвюх краін”, — заявілі ў прэс-службе Лукашэнкі.
На правядзенне перамоў па праекце дамовы і яе падпісанне ўпаўнаважана Міністэрства замежных спраў.
Нагадаем, раней паведамлялася, што ў пачатку чэрвеня Беларусь павінен наведаць прэзідэнт Ганы.
