19 жніўня цягнікі міжрэгіянальных і рэгіянальных ліній на ўчастку Калінкавічы – Лунінец будуць рухацца па змененым раскладзе і маршруце на ўчастку Калінкавічы – Лунінец. Гэта звязана з планавым рамонтам чыгуначнага моста ў Мікашэвічах, паведамляе прэс-цэнтр БЧ.
Цягнік міжрэгіянальных ліній эканомкласа № 605/606 Полацк – Брэст – Полацк будзе курсіраваць у зносінах Полацк – Жыткавічы – Полацк. Адпраўленне з Полацка 18 жніўня, з Жыткавічаў – 19 жніўня 2026 года.
Цягнік міжрэгіянальных ліній эканомкласа № 609 Гомель – Гродна 19 жніўня адправіцца з Гомеля ў 18:45 (замест 16:36).
Бесперасадачныя вагоны Брэст – Гродна будуць курсіраваць у складзе цягніка № 604 Брэст – Гомель з адпраўленнем з Брэста 19 жніўня ў 19:41.
Таксама 19 жніўня на ўчастку Калінкавічы – Жыткавічы – Лунінец асобныя цягнікі рэгіянальных ліній эканомкласа будуць рухацца па змененым маршруце.
