Міністэрства сувязі і інфарматызацыі падвяло вынікі работы тэлекамунікацыйнай галіны ў першым паўгоддзі.
“Значныя інвестыцыі ўкладваюцца ў будаўніцтва валаконна-аптычных ліній сувязі (ВАЛС) для прадастаўлення насельніцтву доступу да сучасных паслуг і сэрвісаў на высокіх хуткасцях. Па выніках першага паўгоддзя ВАЛС падведзены да 50 населеных пунктаў.
У выніку выканання гэтых мерапрыемстваў колькасць абанентаў, падключаных па тэхналогіі GPON, склала 3,193 млн і павялічылася ў параўнанні з пачаткам года на 34,3 тыс. Доля абанентаў стацыянарнага ШПД, якія карыстаюцца паслугай па доступе ў сетку Інтэрнэт на хуткасці 100 Мбіт/с і вышэй, складае больш за 62%”, – паведамілі ў міністэрстве.
Там таксама адзначылі, што сёння тэрыторыя Беларусі ахоплена сеткамі сотавай сувязі стандарту UMTS на 98,6%, LTE – 94,6%. Ахоп насельніцтва складае, адпаведна, 99,9% і 99,6%.
Пранікненне паслуг бесправаднога ШПД па выніках мінулага квартала склала 104,1 абанента на 100 жыхароў.
