7 дзяцей і 3 дарослыя трапілі ў бальніцу пасля пажару ў кватэры аднаго з дамоў у Століне. З іх 5 чалавек — ва ўзросце ад 3 да 8 гадоў, 2 падлеткі ва ўзросце 15–18 гадоў, паведамляе прэс-служба Мінздароўя.
Узгаранне адбылося на 3-м паверсе ў кватэры аднаго з дамоў па вуліцы Гагарына. Задымленне адзначалася ў кватэрах вышэй — на 4-м і 5-м паверхах.
Лекары Столінскай ЦРБ (Брэсцкая вобласць) правялі дыягнастычныя агляды і прызначылі лячэнне ўсім дзецям і дарослым, якія паступілі ў бальніцу.
«Стан усіх пацярпелых сярэдняй цяжкасці і здавальняючы. На момант агляду пагрозы жыццю няма. Усе паступіўшыя шпіталізаваныя, ім прызначана лячэнне. Медыкі праводзяць неабходныя працэдуры для стабілізацыі стану пацярпелых», — праінфармавалі ў ведамстве.
Прычына здарэння высвятляецца.
