Урад Расіі прыняў пастанову №819, якой да канца 2026 года дазволены выпуск і абарот бензіну з масавай доляй серы не больш за 150 мг на кілаграм. Гэта адпавядае патрабаванням «Еўра-3».
Адзначаецца, што рашэнне накіравана на павышэнне надзейнасці забеспячэння палівам у РФ і рэалізуецца «ў якасці прэвентыўных мер, накіраваных на недапушчэнне дэстабілізацыі на ўнутраным рынку маторнага паліва».
Раней расійскія СМІ пісалі пра планы ўрада дазволіць выпуск бензіну і дызельнага паліва са зніжэннем стандартаў аж да «Еўра-2». У выніку было прынята менш радыкальнае рашэнне.
🔥 Падтрымайце Reform.news данатам!
