Савет міністраў Беларусі абнавіў праграму развіцця інфраструктуры для зарадкі электрамабіляў.
Як растлумачылі ў прэс-службе ўрада, праграма актуалізаваная з улікам новай рэдакцыі ўказа «Аб стымуляванні выкарыстання электрамабіляў».
У праграме “Белтэлекам” вызначаны другім дзяржаўным аператарам па ўстаноўцы і абслугоўванні зарадных станцый.
Таксама пастановай абноўлены пералік месцаў і тыпаў зарадных станцый, якія будуць устанаўлівацца да 2028 года “Беларуснафтай”. Удакладнены пералік месцаў размяшчэння зарадных станцый для гарадскога электрычнага транспарту.
Таксама вызначаны пералікі павольных ЭЗС, запланаваных да ўстаноўкі ў 2026 – 2030 гадах для стварэння дзяржаўнай зараднай сеткі, электразарадных комплексаў (звышхуткіх электразарадных комплексаў), запланаваных да будаўніцтва ў 2029 – 2030 гадах ВА «Беларуснафта».
