Парламент Турцыі пачаў разглядаць законапраект, якім мяркуецца ўвесці механізм, падобны да памілавання, для тысяч курдскіх баевікоў. Пра гэта паведамляе AP.
У мінулым годзе Рабочая партыя Курдыстана завяршыла сваю шматгадовую ўзброеную барацьбу супраць Турцыі, заявіўшы аб рашэнні раззброіцца і распусціцца ў рамках мірных намаганняў. Затым РПК правяла сімвалічную цырымонію раззбраення на поўначы Ірака, дзе яна базуецца, і абвясціла аб вывадзе баевікоў з ключавых раёнаў Турцыі ў Ірак.
Праект закона апісвае працэдуры раззбраення групоўкі, якая дагэтуль захоўвае большую частку сваёй зброі, і рэабілітацыі тысяч членаў РПК. Ён таксама прадугледжвае прыпыненне некаторых турэмных тэрмінаў для асуджаных членаў РПК і адтэрміноўку бягучых расследаванняў і судовых працэсаў на пяць ці дзесяць гадоў.
З праекта выключаныя баевікі, асуджаныя за наўмысныя забойствы, і асобы, прысуджаныя да пажыццёвага зняволення да 2005 года. Гэта датычыцца лідара партыі Абдулы Аджалана і іншых высокапастаўленых дзеячаў РПК.
