Белстат апублікаваў даныя аб інфляцыі ў ліпені. Месячная інфляцыя склала 0,3%, або столькі ж, колькі і ў чэрвені. Гадавы паказчык інфляцыі вырас на 0,1 п.п. і склаў 4,4%.
З пачатку года індэкс спажывецкіх цэн вырас на 3,2%. Нагадаем, МАРГ устанавіў памесячныя паказчыкі дапушчальнага росту цэн. Для ліпеня ён складаў 4%.
Базавая інфляцыя, якая выключае змяненне цэн на сезонныя і рэгуляваныя тавары і паслугі, у ліпені склала 0,6%, або на 0,2 п.п. больш, чым у чэрвені, а з пачатку года яна дасягнула 2,9%.
У ліпені ў параўнанні з чэрвенем харчовыя тавары патаннелі на 0,3%, нехарчовыя падаражэлі на 0,8%, а паслугі — на 0,6%.
З пачатку года харчовыя тавары выраслі ў цане на 1,5%, нехарчовыя — на 2,3%, а тарыфы на паслугі павысіліся на 7,3%.
За год прырост цэн на харчовыя тавары склаў 3,1%, на нехарчовыя тавары — 2,9%, а тарыфаў на паслугі — на 8,7%.
Нагадаем, мэтавы паказчык па інфляцыі на 2026 год складае не больш за 7%.
