У “Вялікім камені” з’явіцца інстытут выдатных інжынераў. Як паведамілі ў адміністрацыі парка, пагадненне аб стварэнні навучальнай установы падпісалі БНТУ і Нанкінскі ўніверсітэт пры ўдзеле кампаніі Sinomach Digital Co.,Ltd. і Зоны прамысловага развіцця высокіх і новых тэхналогій Цыся горада Нанкін.
“Інстытут будзе функцыянаваць на базе «Вялікага каменя» і рыхтаваць высокакваліфікаваных інжынерна-тэхнічных спецыялістаў са ступенню магістра ў такіх галінах, як штучны інтэлект і камп’ютарная інжынерыя. Навучанне будзе праводзіцца па мадэлі «1+1»: першы год – у Беларускім нацыянальным тэхнічным універсітэце, другі – у Нанкінскім універсітэце”, – патлумачылі ў адміністрацыі парка.
🔥 Падтрымайце Reform.news данатам!