Брэсцкі гарвыканкам у бліжэйшы час абмяжуе продаж алкаголю. Рашэнне камітэта №650 ад 17 красавіка сёння апублікавана на Нацыянальным прававым інтэрнэт-партале.
Алкаголь не будзе прадавацца ў розніцу:
- 23 мая,
- 29 мая,
- з 8 раніцы 12 чэрвеня да 8 раніцы 13 чэрвеня.
23 і 29 мая ў горадзе будуць праводзіцца мерапрыемствы па прафілактыцы п’янства, 12-13 чэрвеня ў абласным цэнтры адбудуцца школьныя выпускныя вечары.
Абмежаванні не распаўсюджваюцца на аб’екты грамадскага харчавання, а таксама на продаж для правядзення вяселляў і рытуальных абрадаў. Акрамя таго, яны не закрануць крамы ў пунктах пропуску праз дзяржаўную мяжу.
🔥 Падтрымайце Reform.news данатам!
