Следчы камітэт распачаў крымінальную справу пасля гібелі трох чалавек у Лагойску. Яшчэ адзін пацярпелы знаходзіцца ў рэанімацыі з прыкметамі вострага атручэння.
Целы 44-гадовага мужчыны і дзвюх жанчын 40 і 42 гадоў без прыкмет жыцця былі знойдзеныя ў адным з жылых дамоў сёння раніцай. 54-гадовы муж адной з загінулых быў экстранна дастаўлены ў рэанімацыйнае аддзяленне.
На месцы здарэння працуе следча-аператыўная група з удзелам следчых-крыміналістаў і спецыялістаў Дзяржаўнага камітэта судовых экспертыз. Праводзіцца агляд месца здарэння, канфіскуюцца рэчавыя доказы, апытваюцца відавочцы.
Паводле папярэдняй інфармацыі СК, напярэдадні трагедыі кампанія з 9 чалавек распівала спіртныя напоі. Склад ужытай спіртазмяшчальнай вадкасці ўстанаўліваецца экспертамі.
Для высвятлення прычын смерці прызначаныя судова-медыцынскія і хіміка-таксікалагічныя экспертызы. Следства разглядае розныя версіі здарэння, у тым ліку атручэнне сурагатным алкаголем або наркатычнымі рэчывамі.
Распачата крымінальная справа па ч. 2 арт. 144 КК аб прычыненні смерці па неасцярожнасці двум і больш асобам. Абставіны трагедыі ўстанаўліваюцца.
