Іран атрымаў прапановы ад пасярэднікаў, накіраваныя на зніжэнне напружанасці. Пра гэта паведаміў прадстаўнік МЗС краіны Эсмаіл Багаі.
«Мы атрымалі прапановы ад пасярэднікаў, але з вашага дазволу я не буду цяпер удавацца ў падрабязнасці. Пацвярджаю, што ідэі былі прапанаваныя», — сказаў ён.
Эскалацыя канфлікту паміж Іранам і ЗША працягваецца ўжо дзявяты дзень. Бакі рэгулярна абменьваюцца ўдарамі. Іран таксама атакуе краіны Персідскага заліва і Іарданію.
Паводле інфармацыі СМІ, у ЗША разглядаюць магчымасць больш маштабных дзеянняў супраць Ірана.
На фоне эскалацыі зноў растуць цэны на нафту. Сёння раніцай каціроўка бліжэйшага ф’ючарса на нафту маркі Brent перавысіла 90 долараў за бараль.
🔥 Падтрымайце Reform.news данатам!
