Еўрапейскія чыноўнікі збіраюцца змяніць падыход да ўвядзення санкцый супраць Расіі. Пра гэта паведамляе Financial Times.
Паводле інфармацыі выдання, краіны ЕС могуць адмовіцца ад зацвярджэння вялікіх санкцыйных пакетаў, зрабіўшы выбар на карысць кропкавых рашэнняў або невялікіх тэматычных пакетаў санкцый. Гэта павінна знізіць рызыку накладання вета той ці іншай краінай Еўрасаюза.
Зацвярджэнне 21-га пакета санкцый сутыкнулася з процідзеяннем Грэцыі праз уключэнне ў яго забароны на перавозку расійскага СПГ на карысць трэціх краін, што выклікала ў Афінах асцярогі за лёс суднаходных кампаній. Іншыя краіны таксама выказвалі пярэчанні. У выніку 21-ы пакет аказаўся больш сціплым, чым першапачаткова прапаноўвала Еўракамісія.
🔥 Падтрымайце Reform.news данатам!
