Прэзідэнт ЗША Дональд Трамп заявіў, што Іран запытаў сустрэчу. Яна адбудзецца заўтра ў Досе.
«Іран запытаў сустрэчу. Яна пройдзе заўтра ў Досе», — напісаў ён у сетцы Truth Social.
Раней СМІ са спасылкай на амерыканскіх чыноўнікаў паведамілі, што ЗША і Іран зноў дамовіліся спыніць абмен ударамі і вярнуцца да перамоў, якія могуць прайсці заўтра ў Катары.
Пры гэтым незадоўга да паведамлення Трампа ў Іране абверглі дамоўленасці пра сустрэчу.
«Правядзенне тэхнічных сустрэч рабочых груп на гэтым тыдні не планавалася. Нягледзячы на тое, што кансультацыі з Катарам, у тым ліку па пытаннях кантролю за выкананнем абавязацельстваў супрацьлеглым бокам, працягваюцца ў звычайным рэжыме, паведамленні шэрагу сродкаў масавай інфармацыі аб правядзенні пасяджэнняў экспертных груп у Досе не пацвярджаюцца», — заявіў намеснік міністра замежных спраў Ірана па прававых і міжнародных пытаннях, кіраўнік іранскай дэлегацыі на перамовах Казем Гарыбабадзі.
