Святлана Ціханоўская прымае ўдзел у мерапрыемствах, прысвечаных гадавіне паўстання 1863–1864 гадоў у Вільні. Відэа прыбыцця прадстаўнікоў беларускіх дэмсіл у кафедральны сабор публікуе «Наша Ніва».
У ўрачыстых мерапрыемствах прымаюць удзел прэзідэнт Літвы Гітанас Наўседа, прэзідэнт Украіны Уладзімір Зяленскі і прэзідэнт Польшчы Караль Наўроцкі. Паводле апублікаванай праграмы, пасля богаслужэння на могілках Росы адбудзецца цырымонія ўшанавання памяці ўдзельнікаў паўстання.
Напярэдадні па запрашэнні канцылярыі прэзідэнта Польшчы Караля Наўроцкага Святлана Ціханоўская прыняла ўдзел у цырымоніі ўшанавання памяці ўдзельнікаў паўстання 1863–1864 гадоў у Варшаве. У складзе беларускай дэлегацыі таксама прысутнічалі намеснік кіраўніка Аб’яднанага пераходнага кабінета Павел Латушка, спікер Каардынацыйнай рады Арцём Брухан і ветэран палка імя Кастуся Каліноўскага з пазыўным «Пчала».