Новы прэм’ер-міністр Літвы Міндаўгас Сінкявічус прадставіў склад свайго ўрада. Частка міністраў захавалі свае пасады.
Былая кіраўніца ўрада Інга Ругінене вернецца на пасаду міністра працы і сацыяльнай абароны.
Таксама Кястуціс Будрыс застанецца міністрам замежных спраў, нягледзячы на чуткі пра яго магчымы сыход, якія цыркулявалі ў літоўскай прэсе ў апошнія тыдні.
«Неабходна, каб у знешняй палітыцы мы не кідаліся з боку ў бок і захоўвалі паслядоўнасць. Лічу, што найбольш прыдатным кандыдатам для гэтага застаецца Кястуціс Будрыс», — растлумачыў сваё рашэнне Сінкявічус, перадае LRT.
Міністрам унутраных спраў стане Марцінас Катэлінас.
Склад урада мяняецца пасля перафарматавання кіроўнай кааліцыі, з якой выключана партыя «Зара Нямунаса». Новую кааліцыю фарміруюць ЛСДП, Саюз дэмакратаў «У імя Літвы» і Саюз сялян, зялёных і Саюза хрысціянскіх сем’яў Літвы. Гэта ўжо трэцяя кааліцыя і трэці ўрад у Літве пасля перамогі сацыял-дэмакратаў на выбарах 2024 года.
