Сіноптыкі аб’явілі на аўторак аранжавы ўзровень небяспекі з-за туману.
“На працягу сутак 16 снежня (аўторак) у многіх раёнах Брэсцкай, Гродзенскай, Мінскай і Гомельскай абласцей чакаецца туман. Бачнасць у тумане 100–500 м”, — гаворыцца ў паведамленні.
Заўтра надвор’е ў асноўным будзе вызначацца вобласцю павышанага атмасфернага ціску і цёплай паветранай масай, толькі ноччу і раніцай па паўночным усходзе адаб’ецца ўплыў атмасфернага фронту. Чакаецца пераважна воблачнае надвор’е.
Без істотных ападкаў, толькі ноччу і раніцай месцамі па паўночным усходзе краіны пройдуць невялікія ападкі (дождж, мокры снег). Ноччу і раніцай месцамі па краіне чакаецца слабы галалёд. На асобных участках дарог — галалёдзіца. Вецер заходні, паўднёва-заходні ад слабога да ўмеранага. Тэмпература паветра мінімальная ноччу −3… +3°С, максімальная днём +1… +6°С.
