Рэзідэнты беларускіх свабодных эканамічных зон у 2025 годзе знізілі выручку і аб’ёмы вытворчасці. На гэта ўказваюць даныя Белстата.
Усяго ў мінулым годзе ў беларускіх СЭЗ працавала 426 рэзідэнтаў. Іх сукупная выручка ад рэалізацыі склала 41,97 млрд рублёў, што на 3,7% менш, чым за 2024 год.
Аб’ём прамысловай вытворчасці знізіўся на 0,1% да 38,57 млрд рублёў.
Колькасць работнікаў рэзідэнтаў таксама крыху зменшылася. Яна скарацілася на 0,01% да 135,92 тыс. чалавек.
Разам з тым рэзідэнты паказалі рост сярэдняй зарплаты на 12,1% да 2759,3 рубля, інвестыцый у асноўны капітал — на 54,3% да 2,68 млрд рублёў, а таксама адлічэнняў у бюджэт і пазабюджэтныя фонды — на 6,4% да 3,89 млрд рублёў.
Доля рэзідэнтаў СЭЗ у агульных паказчыках краіны склала:
- 4,7% ВУП,
- 18,5% прамысловай вытворчасці,
- 4,8% інвестыцый у асноўны капітал,
- 20,9% экспарту тавараў.
🔥 Падтрымайце Reform.news данатам!