У вёсцы Рудзянец Буда-Кашалёўскага раёна раскрылі крадзеж дзякуючы адбітку падэшвы. У маі невядомы пранік у сельскі дом і скраў разумную калонку «Яндэкс» і партатыўную музычную акустыку. Уладальнік звярнуўся ў міліцыю.
Падчас агляду месца здарэння эксперт ГКСЭ выявіў у пакоі, дзе знаходзілася скрадзеная маёмасць, след абутку. Было ўстаноўлена кола магчымых падазраваных. У ходзе аператыўных мерапрыемстваў супрацоўнікі выйшлі на маладога сельскага жыхара, у якога знайшлі красоўкі з узорам падэшвы, што супадае з выяўленым адбіткам.
Трасалагічная экспертыза пацвердзіла поўную адпаведнасць следу і абутку. Мужчына прызнаў сваю віну і панёс пакаранне, паведамілі у Дзяржаўным камітэце судовых экспертыз.
🔥 Падтрымайце Reform.news данатам!