Продажы беларускага дызельнага паліва на Пецярбургскай біржы рэзка знізіліся. Пра гэта паведамляе ТАСС са спасылкай на Нацыянальнае біржавое цэнавае агенцтва.
У студзені гэтага года на таварнай біржы было рэалізавана 4,02 тыс. т дызельнага паліва з Беларусі, што на 85,5% менш, чым у снежні мінулага года. У параўнанні са студзенем 2025 года аб’ём продажаў знізіўся на 26,4%.
Адзначаецца, што ў студзені расійскі рынак дызельнага паліва стабілізаваўся на фоне сезоннага зніжэння попыту.
“Аб’ёмы рэалізацыі нафтапрадуктаў РБ на працягу года з’яўляюцца валацільнымі і залежаць ад попыту і прапановы на асноўных прызаводскіх базісах, якія, у сваю чаргу, залежаць ад мноства фактараў, уключаючы наяўнасць запасаў, надвор’е, аб’ёмы вытворчасці і біржавой рэалізацыі”, — пракаментавалі ў агенцтве.
Варта адзначыць, што ў восеньскія месяцы аб’ём продажаў беларускага паліва на біржы рэзка вырас.