Прэм’ер-міністр Японіі Санаэ Такаіці распусціла Палату прадстаўнікоў. У краіне адбудуцца датэрміновыя ўсеагульныя выбары. Яны прызначаныя на 8 лютага. Кіраўніца ўрада плануе заручыцца падтрымкай насельніцтва для рэалізацыі сваёй кампаніі.
Такаіці стала кіраўніцай урада ў кастрычніку пасля таго, як перамагла на выбарах лідара кіруючай Ліберальна-дэмакратычнай партыі.
Папярэдні прэм’ер-міністр Сігеру Ісіба вырашыў сысці ў адстаўку з пасады лідара ЛДП і кіраўніка ўрада пасля няўдалага выступлення партыі на выбарах, калі партыя не змагла атрымаць большасць у парламенце. Варта адзначыць, што выбары, якія прывялі да адстаўкі Ісібы, таксама былі датэрміновымі. Ён ініцыяваў іх, калі стаў прэм’ер-міністрам па выніках выбараў у кіруючай партыі. Яго папярэднік Фуміо Кісіда вырашыў не вылучацца на пасаду кіраўніка ЛДП.
