Баланс на беларускім валютным рынку ў студзені склаўся на карысць прапановы. Продаж валюты перавысіў куплю на 124,7 млн долараў. На гэта ўказваюць свежыя даныя Нацбанка.
Абарот валютнага рынку ў студзені склаў 10,35 млрд долараў, што на 24% больш, чым за аналагічны месяц 2025 года.
Фізічныя асобы ў студзені набылі валюты на 995,2 млн долараў, а прадалі — на 1,04 млрд долараў. Яны выступілі чыстымі прадаўцамі валюты ў памеры 44,9 млн долараў.
Банкі ў мінулым месяцы набылі валюты на 5,64 млрд долараў, а прадалі — на 5,62 млрд долараў. Яны забяспечылі чысты попыт у памеры 20,2 млн долараў.
Нерэзідэнты за студзень набылі валюты на 174,1 млн долараў, а прадалі — на 332 млн долараў. Чыстая прапанова з іх боку склала 157,9 млн долараў.
Нарэшце, суб’екты гаспадарання — рэзідэнты ў студзені набылі валюты на 3,21 млрд долараў, а прадалі — на 3,16 млрд долараў. Чысты попыт з іх боку склаў 57,9 млн долараў.
