Аператыўнае камандаванне відаў Узброеных сіл Польшчы зноў паведамілі пра парушэнне паветранай прасторы краіны метэазондамі. Яно адбылося ў ноч з 3 на 4 лютага. Праўда, у адрозненне ад папярэдніх паведамленняў падобнага кшталту, у ім наўпрост не згадваецца Беларусь, а таксама не ўказваецца напрамак руху аб’ектаў.
«У ноч з 3 на 4 лютага 2026 года вайсковыя радыёлакацыйныя сістэмы зафіксавалі з’яўленне ў польскай паветранай прасторы новых аб’ектаў, падобных да паветраных шароў.
Супрацоўніцтва паміж Узброенымі сіламі Польшчы і службамі дзяржаўнай бяспекі дазваляе гэтым службам аператыўна рэагаваць, у тым ліку шляхам канфіскацыі аб’ектаў і затрымання асоб, падазраваных у падобных інцыдэнтах.
Палёты гэтых аб’ектаў адсочваліся і не ўяўлялі пагрозы для бяспекі паветранага руху або польскіх грамадзян. Узброеныя сілы Польшчы застаюцца ў рэжыме кругласутачнай гатоўнасці для захавання бяспекі паветранай прасторы», — гаворыцца ў паведамленні.
