Падатковыя органы хочуць пашырыць крыніцы атрымання інфармацыі пра хатніх гадаванцаў.
Як паведамляе SB.by, інспекцыя МПЗ па Мінску запытала ў ветэрынарных клінік інфармацыю пра ўладальнікаў сабак, якія звярталіся па аказанне паслуг сваім гадаванцам у 2025 годзе. Мэта запыту — кантроль за выплатай падатку за валоданне сабакамі.
Аднаразовым зваротам, як вынікае з артыкула, падаткавікі не абмяжуюцца. Падрыхтаваны праект пастановы Саўміна. Ён прадугледжвае абавязак штоквартальна прадастаўляць дзяржаўным органам звесткі пра сабак, катоў і іх уладальнікаў. У пералік уключаны тыя, хто вядзе ветэрынарную дзейнасць, аказвае кіналагічныя паслугі, уладальнікі гасцініц для жывёл. Таксама пра выяўленыя выпадкі парушэння парадку рэгістрацыі хатніх жывёл павінны паведамляць работнікі ЖКГ, а пра злачынныя інцыдэнты з удзелам катоў і сабак — супрацоўнікі органаў унутраных спраў.
