Цэнтральная выбарчая камісія Казахстана падвяла папярэднія вынікі канстытуцыйнага рэферэндуму, які прайшоў у нядзелю.
Паводле даных ЦВК, яўка на галасаванні склала 73,12%. За новую канстытуцыю прагаласавалі 87,15% выбарцаў, якія прыйшлі на ўчасткі.
Змена канстытуцыі была ініцыявана прэзідэнтам Казахстана Касым-Жамартам Такаевым. Абноўлена каля 80% тэксту асноўнага закона. Ключавыя змены дакумента — пераход да аднапалатнага парламента — Курултая, увядзенне пасады віцэ-прэзідэнта, стварэнне Народнага савета Казахстана, замацаванне тэнге ў асноўным законе, удакладненне статусу рускай мовы — з «нароўні» на «побач» з казахскай, а таксама забарона двайнога грамадзянства.
Новая канстытуцыя павінна ўступіць у сілу з 1 ліпеня 2026 года.
🔥 Падтрымайце Reform.news данатам!
