У чаты сваякоў зняволеных, прызнаныя ўчора «экстрэмісцкім фарміраваннем», стаў дадавацца бот з правамі адміністратара.
Пасля кожнага паведамлення бот «Get My Id Bot|Get Myld» публікуе паведамленні з нібыта ўказаннем ID карыстальніка. Бот быў заўважаны ў чаце «ІК 8 Орша Беларусь» і яшчэ ў двух чатах. Перад яго з’яўленнем у чаты дадаваўся новы карыстальнік, які і запускаў бот, паведамляе MAYDAY TEAM.
На дадзены момант практычна выдаліўся чат шклоўскай ІК-17 і аршанскай ІК-8. Таксама сёння раніцай стала вядома пра выдаленне чата жаночай ІК-4 у Viber.
Нагадаем, КДБ прызнаў «экстрэмісцкім фарміраваннем» 10 тэлеграм-чатаў, 9 вайбер-чатаў і 3 супольнасці ў сацсетцы «ВКонтакте», у якіх размаўлялі сваякі зняволеных.
🔥 Падтрымайце Reform.news данатам!
