Народным пасольствам Беларусі споўнілася 5 гадоў. Ініцыятыва з’явілася ў Дзень правоў чалавека ў 2020 годзе.
Цяпер Народныя пасольствы дзейнічаюць у больш чым 20 краінах. Развіццё сеткі Народных пасольстваў у 2025 годзе працягнулася пашырэннем супрацоўніцтва з Грузіяй, Малдовай, Тайванем, Партугаліяй, Украінай, з’яўленнем новых актывістаў у Францыі і Літве. У прыватнасці, Народнае консульства адкрыецца ў Ніцы.
«У 2025 годзе Народныя пасольствы Беларусі (НП) працягвалі замяняць функцыі пасольстваў рэжыму і заставаліся важнай часткай дэмакратычных сіл Беларусі і іх дэ-факта прадстаўніцтваў за мяжой.
Прадстаўнікі НП уваходзілі ў склад дэлегацый дэмакратычных сіл падчас візітаў, удзельнічалі ў пратакольных мерапрыемствах. Шырокі спектр праектаў прадстаўляў сабой не толькі дыпламатычную, але і культурную дыпламатыю», — гаворыцца ў паведамленні ініцыятывы, якая падрыхтавала да 5-годдзя справаздачу аб сваёй дзейнасці.
