22 чэрвеня ў Смаленскай вобласці супрацоўнікі Рассельгаснагляду затрымалі партыю ялавічыны, якую везлі з Беларусі.
Падчас агляду аўтамабіля было ўстаноўлена, што 1 тону ялавічыны перавозілі без ветэрынарных і таварна-суправаджальных дакументаў, без маркіровачных клеймаў і з парушэннямі санітарных нормаў. Кіроўца не змог сказаць, хто з’яўляецца адпраўніком і атрымальнікам грузу.
Узоры мяса накіравалі ў лабараторыю. Паводле вынікаў экспертызы будзе прынята рашэнне аб далейшым лёсе грузу, паведамляе Рассельгаснагляд.
🔥 Падтрымайце Reform.news данатам!