Грамадзяне Беларусі змогуць наведваць Чарнагорыю без віз да 31 кастрычніка гэтага года. Гэта прадугледжана пастановай урада Чарнагорыі, прынятай 24 ліпеня.
«Грамадзяне Рэспублікі Беларусь і Расійскай Федэрацыі могуць да 31 кастрычніка 2026 года ў адпаведнасці з заключанымі міжнароднымі пагадненнямі аб узаемных паездках грамадзян уязджаць, перасякаць тэрыторыю і знаходзіцца ў Чарнагорыі да 30 дзён з сапраўдным праязным дакументам, выдадзеным кампетэнтнымі органамі гэтых дзяржаў», — гаворыцца ў дакуменце.
Чарнагорыя, якая збіраецца ўступіць у Еўрасаюз у 2028 годзе, прыводзіць сваю візавую палітыку ў адпаведнасць з патрабаваннямі ЕС. Візавыя патрабаванні дзейнічаюць для грамадзян краін, з якімі ў Еўрасаюза дзейнічае візавы рэжым.
🔥 Падтрымайце Reform.news данатам!
