Аператыўнікі па барацьбе з эканамічнымі злачынствамі Гомельскай вобласці сумесна з калегамі з Камітэта дзяржаўнага кантролю выкрылі схему махлярства.
52-гадовы прадпрымальнік працаваў з буйным прадпрыемствам аграхімічнай прамысловасці па дагаворы падраду і займаўся пагрузкай угнаенняў для сельскагаспадарчых арганізацый. Аднак замест фактычнага выканання работ ён уносіў у пуцявыя лісты заведама ілжывыя звесткі пра час пачатку і заканчэння пагрузкі, атрымліваючы аплату ў поўным аб’ёме.
Па дадзеным факце ўзбуджана крымінальная справа за махлярства, паведамляе прэс-служба МУС.
🔥 Падтрымайце Reform.news данатам!