МУС правядзе вучэнні з выбухамі і стральбой у Магілёве

МУС сёння і заўтра правядзе ў Магілёве комплексныя камандна-штабныя вучэнні па праверцы гатоўнасці падраздзяленняў да дзеянняў у асаблівых умовах.

“Адзін з этапаў вучэнняў адбудзецца на тэрыторыі Лядовага палаца спорту (вул. Гагарына,1). Паблізу аб’екта могуць быць чутныя гукі выбухаў і стрэлаў. Хвалявацца не варта”, — папярэдзілі ў міністэрстве.

Для правядзення вучэнняў 26 і 27 мая з 10 да 16 гадзін будзе перакрыты рух транспарту на наступных участках у Магілёве:

• па вуліцы Гагарына (ад праспекта Пушкінскага да бульвара Непакораных — у раёне заезду на паркоўку ГЦ “Е-Сіці”);
• па вуліцы Дзям’яна Беднага (ад вуліцы Гагарына да вуліцы Севастопальскай);
• па завулку Крайнім.