Падтапленні зарэгістраваны ў 16 раёнах Беларусі. Пра гэта паведамляе МНС.
“У зону ўздзеяння трапілі 18 жылых дамоў, 8 падвалаў, 44 падвор’і і 11 гаспадарчых пабудоў. На дадзены момант у 2 абласцях у 3 раёнах застаюцца падтопленымі паводкавымі і талымі водамі 2 прыватныя падвор’і, 2 гаспадарчыя пабудовы і 1 участак аўтамабільнай дарогі”, — расказалі ў міністэрстве.
На большасці рэк пакуль захоўваецца ледастаў з палоннямі і разводдзямі. Назіраецца вада на лёдзе. Ледаход зафіксаваны на Прыпяці (участак Чарнічы – Мазыр) і Бярэзіне (каля Барысава).
У бліжэйшыя дні чакаецца далейшы рост узроўняў вады ў рэках. Рака Бобр каля вёскі Куты павінна выйсці на пойму.
🔥 Падтрымайце Reform.news донатам!
