У найбліжэйшыя пяць гадоў Мінтранс мае намер рэканструяваць выезды з Мінска. Яны атрымаюць бетоннае пакрыццё, будзе павялічана колькасць палос руху. Пра гэта ў інтэрв’ю беларускаму тэлебачанню расказаў міністр транспарту і камунікацый Аляксей Ляхновіч.
“Мы ў мінулым годзе, вы ведаеце, зрабілі М-4 — гэта Мінск — Магілёў, выезд з Мінска. І ў бягучым годзе асноўную ўвагу мы якраз-такі сабе, нават не ў бягучым годзе, у гэтай пяцігодцы надаём выездам з Мінска. Чаму мы гэта робім? Па-першае, мы спрабуем шырока выкарыстоўваць бетон. Гэта тое даручэнне прэзідэнта, якое ў нас было, каб мы паспрабавалі пакласці бетон на асфальт. І зыходзячы з гэтага, гэтая дарога на выездзе з Мінска, таксама ў бягучым годзе мы плануем гэтую тэхналогію прымяніць.
Гэта што нам дазволіць? У вясновы перыяд не ўводзіць абмежаванняў. Гэта перш за ўсё для грузавых аўтамабіляў, для аўтобусаў і гэтак далей. Гэта нам дазволіць павысіць нагрузку на вось. І больш за тое, у існых параметрах дарогі зрабіць тры паласы руху ў кожны бок на гэтай дарозе. Такім чынам, ад Мінска да Заслаўя ў нас будуць паўнавартасныя тры паласы руху. Мы здымем нагрузку з дарогі”, — сказаў ён.
Паводле яго слоў, у далейшым аналагічным чынам будзе рэканструяваны ўчастак дарогі М-6 Мінск — Гродна ад сталіцы да другой кальцавой аўтадарогі.