Савет міністраў пастановай №253 ад 19 мая распарадзіўся выдзеліць 2,5 млн рублёў ТАА «Горизонт возможностей». Пастанова сёння апублікавана на Нацыянальным прававым інтэрнэт-партале.
Сродкі паступяць з пазабюджэтнага цэнтралізаванага інвестыцыйнага фонду Мінсувязі. Яны выдзяляюцца на незваротнай аснове. 2,5 млн рублёў прызначаюцца для набыцця праграмнага забеспячэння, машын, механізмаў і тэхналагічнага абсталявання з мэтай фарміравання матэрыяльна-тэхнічнай базы для рэалізацыі сумеснага адукацыйнага праекта з ПАТ «Сбербанк России».
Мінсувязі даручана забяспечыць кантроль мэтавага выкарыстання сродкаў.
🔥 Падтрымайце Reform.news донатам!