Міністэрства ЖКГ Беларусі запусціла каналы для зваротаў наконт стану арэнднага жылля, якое прадастаўляюць маладым спецыялістам. Паводле інфармацыі ведамства, маладыя спецыялісты могуць наўпрост паведамляць пра праблемы з умовамі пражывання і неналежны стан арэнднага жылля.
Звярнуцца ў міністэрства можна праз чат у яго Telegram-канале. Для гэтага неабходна адкрыць канал, націснуць на яго назву, выбраць значок «Чат» і адправіць паведамленне з апісаннем праблемы. Таксама паведамленні прымаюцца праз дырэкт Instagram-акаўнта Міністэрства ЖКГ.
У ведамстве адзначылі, што ўказанне адраса і падрабязнага апісання праблемы, а таксама наяўнасць фотаздымкаў дапамогуць больш аператыўна разабрацца ў сітуацыі.
🔥 Падтрымайце Reform.news данатам!
