Падчас атакі Расіі на Украіну раніцай 13 мая мінімум шэсць беспілотнікаў былі зафіксаваныя ў паветранай прасторы Беларусі. Усе залёты адбыліся ў Гомельскай вобласці, калі дроны рухаліся ўздоўж украінска-беларускай мяжы, піша «Флагшток».
Паводле даных маніторынгавага канала «Рында мониторит», першы дрон заляцеў у Беларусь каля 8:40 праз Любеч у Чарнігаўскай вобласці і вылецеў у бок Брагіна.
У 9:23 быў зафіксаваны дрон, які ляцеў праз Брагін у бок Хойнікаў. Верагодна, гэта быў той самы дрон.
Каля 10:00 пяць беспілотнікаў былі заўважаныя ў раёне Палескага радыяцыйна-экалагічнага запаведніка. Тры з іх затым паляцелі ў напрамку Брагіна, два — у бок Хойнікаў.
🔥 Падтрымайце Reform.news данатам!
