Міністэрства абароны ў рамках уласнай праверкі сёння прыводзіць у баявую гатоўнасць упраўленне і шэраг злучэнняў і воінскіх часцей Заходняга аператыўнага камандавання.
Як паведамілі ў прэс-службе ведамства, прадугледжана пастаўка мабілізацыйных рэсурсаў у правяраемыя воінскія фарміраванні.
«Праверка дазволіць ацаніць узровень баявой і мабілізацыйнай гатоўнасці, здольнасць камандзіраў кіраваць падпарадкаванымі воінскімі часцямі, стан узбраення, ваеннай і спецыяльнай тэхнікі.
Падчас праверкі ваеннаабавязаныя змогуць аднавіць свае веды і навыкі. З імі будуць праведзены заняткі па прадметах баявой падрыхтоўкі, у тым ліку па агнявой і медыцынскай», – гаворыцца ў паведамленні.
Падчас праверкі таксама будзе надавацца ўвага павышэнню жывучасці падраздзяленняў ва ўмовах дзеяння ДРГ умоўнага праціўніка і беспілотнікаў.
Нагадаем, у беларускай арміі праводзяцца адразу дзве праверкі гатоўнасці. Адна ініцыяваная Мінабароны, другая – асабіста Аляксандрам Лукашэнкам, калі загады аб прывядзенні ў гатоўнасць аддаюцца ў абыход міністэрства.
