Міліцыя ў Пастаўскім раёне правяла трэніроўку па разгоне пратэстаў

Рэдакцыя Reform.news · 11 верасня 2026, 15:43

https://reform.news/be/milicyja-pasta-skim-rajone-pravjala-trjeniro-ku-pa-razgone-pratjesta/

У Пастаўскім раёне прайшла тактыка-спецыяльная трэніроўка супрацоўнікаў органаў унутраных спраў Віцебскай вобласці, у тым ліку супрацоўнікаў АМАПа.

Супрацоўнікі міліцыі адпрацоўвалі «тактыку дзеянняў у складзе груп для вырашэння задач па групавых парушэннях грамадскага парадку і масавых беспарадках».

«Супрацоўнікі сілавых структур адпрацавалі найбольш эфектыўныя метады ўзаемадзеяння тэрытарыяльных падраздзяленняў Віцебскай вобласці і атрада міліцыі асаблівага прызначэння. Праверылі тактычную зладжанасць спецыяльных падраздзяленняў, гатоўнасць асабовага складу да дзеянняў у розных умовах і сітуацыях», — паведамляе УУС Віцебскага аблвыканкама.

Падобныя трэніроўкі ў апошнія тыдні праводзіліся і ў іншых гарадах Беларусі.