Аляксей Кірыенка абраны кіраўніком Сакратарыята Каардынацыйнай рады

Рэдакцыя Reform.news · 11 верасня 2026, 10:18

https://reform.news/be/aljaksej-kiryenka-abrany-kira-nikom-sakrataryjata-kaardynacyjnaj-rady/

Кіраўніком Сакратарыята Каардынацыйнай рады IV склікання абраны Аляксей Кірыенка, паведамілі ў прэс-службе КР.

У галасаванні ўзялі ўдзел 63 дэлегаты. Кірыенка атрымаў 43 галасы (68,3%), Яўген Караулаў – 16 (25,4%), Дзмітрый Максімчык – 4 (6,3%).

Кандыдатуру Кірыенкі аднагалосна падтрымалі «Еўрапейскі выбар», рух «Воля», Аб’яднаная грамадзянская платформа і «Хопіць баяцца!».

Большасць галасоў Кааліцыі Латушкі і руху «За Свабоду» таксама атрымаў Кірыенка: 14 дэлегатаў прагаласавалі за яго, 8 – за Караулава, 1 – за Максімчыка.

«Наступ» цалкам падтрымаў Караулава, які атрымаў 7 галасоў. Тры прадстаўнікі Блока беларускіх палітвязняў «Беларусы дзеяння» прагаласавалі за Максімчыка.

Нагадаем, у жніўні стала вядома, што Іван Краўцоў завяршыў выкананне абавязкаў сакратара КР. Пасля яго абавязкі сакратара часова выконваў Яўген Караулаў з фракцыі «Наступ».