У Беларусі з суботы па панядзелак захаваецца аранжавы ўзровень пагоднай небяспекі. Адпаведнае папярэджанне выдалі ў Белгідрамеце.
“31 студзеня (субота) па ўсходзе рэспублікі захаваецца галалёд, на дарогах — галалёдзіца. 1–2 лютага (нядзеля–панядзелак) у начныя і ранішнія гадзіны на большай частцы тэрыторыі краіны мінімальная тэмпература паветра складзе -25… -30°С, 2 лютага месцамі -31… -33°С”, — гаворыцца ў ім.
У бліжэйшыя тры дні надвор’е ў Беларусі працягне вызначаць вобласць павышанага атмасфернага ціску, сфармаваная ў арктычнай паветранай масе. Малавоблачна. Без ападкаў.
Тэмпература паветра 31 студзеня мінімальная ўначы -18… -24°С, у асобных раёнах -25… -28°С, па поўдні -14… -17°С; максімальная ўдзень -10… -16°С, па паўночным усходзе -17… -19°С.
