Гадавая інфляцыя ў студзені запаволілася да 6,4%

Белстат апублікаваў даныя аб інфляцыі ў студзені. Месячная інфляцыя ў першы месяц года склала 0,5%, што на 0,2 п.п. больш, чым у снежні. Гадавы паказчык інфляцыі склаў 6,4%, запаволіўшыся на 0,4 п.п.

Базавая інфляцыя, якая выключае змяненне цэн на сезонныя і рэгуляваныя тавары і паслугі, у студзені склала 0,5%.

У студзені ў параўнанні са снежнем харчовыя тавары падаражэлі на 0,6%, нехарчовыя — на 0,1%, а паслугі — на 0,6%.

За год рост цэн на харчовыя тавары склаў 8,6%, на нехарчовыя тавары — 2,5%, а тарыфаў на паслугі — 8,2%.

Нагадаем, мэтавы паказчык па інфляцыі на 2026 год складае не больш за 7%.