Аналітыкі Еўразійскага банка развіцця чакаюць, што інфляцыя ў Беларусі ў гэтым годзе будзе знаходзіцца паблізу мэтавага паказчыка ў 7%. У штотыднёвым аглядзе эканомік краін — удзельніц банка яны пацвердзілі раней зроблены прагноз.
На мінулым тыдні Белстат апублікаваў даныя аб інфляцыі ў студзені. Гадавы паказчык запаволіўся з 6,8% да 6,4%.
“Спажывецкая інфляцыя запаволілася да 8,6% г/г (пасля 9% г/г у снежні), чаму спрыяла далейшае зніжэнне тэмпаў росту цэн на сезонныя гародніну і садавіну — да 3,7% г/г з 4,9% г/г. Цэны на неспажывецкія тавары выраслі на 2,5% г/г (пасля 3% г/г месяцам раней), на фоне ўмацавання абменнага курса.
У сектары паслуг інфляцыя паскорылася да 8,2% г/г з 8% г/г у снежні. Перанос тэрміну планаванага павышэння тарыфаў на ЖКП са студзеня на сакавік абмежаваў рост цэн на паслугі. Базавая інфляцыя вярнулася на траекторыю запаволення — да 6,9% г/г пасля 7,3% г/г”, — гаворыцца ў аглядзе ЕАБР.
