Лідары Вялікабрытаніі, Францыі, Германіі і Украіны вызначылі пяць умоў, неабходных для справядлівага і трывалага міру. Сумесная заява апублікавана брытанскім урадам па выніках нядзельнай сустрэчы Кіра Стармера, Эманюэля Макрона, Фрыдрыха Мерца і Уладзіміра Зяленскага.
Гэтыя ўмовы выглядаюць наступным чынам:
- Спыненне баявых дзеянняў. Яны заклікалі прэзідэнта Пуціна пагадзіцца на неадкладнае і поўнае спыненне агню.
Адпраўной кропкай для перамоў павінна стаць існая лінія судакранання. Міжнародныя межы не павінны змяняцца сілай, а суверэннае права Украіны на выбар уласных механізмаў забеспячэння бяспекі і саюзаў павінна ў поўнай меры паважацца. - Пасля ўступлення ў сілу рэжыму спынення агню Украіна павінна мець надзейныя і юрыдычна абавязковыя гарантыі бяспекі, заснаваныя на абавязацельствах, узятых у Берліне ў снежні 2025 года і ў Парыжы ў студзені 2026 года. Гэта ўключае ў сябе разгортванне шматнацыянальных сіл.
- Расійскія актывы застануцца замарожанымі да таго часу, пакуль Расія не спыніць сваю агрэсіўную вайну і не выплаціць Украіне кампенсацыю за шкоду, прычыненую вайной.
- Неабходна забяспечыць абарону еўрапейскіх інтарэсаў бяспекі ў любым пагадненні. Для любых перамоў, якія датычацца ЕС і НАТА, спатрэбіцца згода ЕС і яго дзяржаў-членаў, а таксама саюзнікаў па НАТА.
“Лідары высока ацанілі заклік прэзідэнта Зяленскага да спынення вайны шляхам перамоў дыпламатычным шляхам, выкладзены ў яго лісце прэзідэнту Расійскай Федэрацыі ад 4 чэрвеня 2026 года. Яны падтрымалі прапанову пра прамы дыялог паміж Украінай і Расіяй — пры актыўным удзеле ЗША і Еўропы — для дасягнення спынення агню і падтрымкі далейшых перамоў. Яны пацвердзілі, што і надалей будуць цвёрда падтрымліваць Украіну”, — гаворыцца ў заяве.
🔥 Падтрымайце Reform.news данатам!
