Залатое ралі працягваецца. У панядзелак цэны на каштоўны метал упершыню перавысілі ўзровень у 5000 долараў за ўнцыю, учора была ўзятая планка ў 5300 долараў, а сёння яны наблізіліся да 5600 долараў за ўнцыю.
Як паведамляе Reuters, сёння спотавая цана золата дасягала 5591,6 долара за ўнцыю, але затым знізілася да 5548,69 долара.
Такім чынам, з пачатку тыдня золата падаражэла больш чым на 10%, а з пачатку года — на 27%.
Фонам для росту цэн на золата застаецца эканамічная і геапалітычная напружанасць. Акрамя таго, ФРС ЗША прыняла рашэнне не змяняць ключавую стаўку. Таксама рост цэн падтрымала аб’яўленне крыптагрупы выдзеліць 10–15% свайго інвестыцыйнага партфеля на фізічнае золата.
🔥 Падтрымайце Reform.news данатам!
