Выручка беларускіх санаторыяў за мінулы год павялічылася на 21% і перавысіла 1,5 млрд рублёў. Такія даныя прывёў на прэс-канферэнцыі ў Нацыянальным прэс-цэнтры дырэктар Рэспубліканскага цэнтра па аздараўленні і санаторна-курортным лячэнні насельніцтва Генадзь Балбатоўскі.
Паводле яго слоў, сярэдняя запаўняльнасць санаторыяў склала 84,6%. У іх прайшлі аздараўленне больш за 1,5 млн чалавек, у тым ліку 260 тыс. замежнікаў з 80 дзяржаў. Выручка ад экспарту паслуг павялічылася на 40% — да 175 млн долараў.
За кошт бюджэтных сродкаў і сродкаў ФСАН у санаторыях пабывалі 799 тыс. льготнікаў. На гэта было накіравана 290 млн рублёў.
Санаторыі за год інвеставалі больш за 251 млн рублёў у новае абсталяванне і мадэрнізацыю.
Санаторыі на вясновыя месяцы 2026 года забраніраваныя ўжо больш як на 60%.