У перыяд красавіцкіх і майскіх свят Беларуская чыгунка перавезла больш за 2,3 мільёна пасажыраў. Каля 70% паездак прыйшлося на рэгіянальныя лініі эканомкласа, міжнароднымі зносінамі скарысталіся больш за 150 тысяч чалавек.
Для забеспячэння пасажырапатоку было прызначана больш за 100 дадатковых цягнікоў і задзейнічаны практычна ўвесь пасажырскі рухомы састаў.
Па словах першага намесніка начальніка пасажырскай службы Канстанціна Баяра, асноўным попытам традыцыйна карыстаюцца зносіны паміж Мінскам і абласнымі гарадамі — Гомелем, Віцебскам, Гродна, Магілёвам і Брэстам. У міжнародных зносінах найбольш папулярныя напрамкі на Санкт-Пецярбург, Маскву і чарнаморскае ўзбярэжжа Каўказа.
Ён адзначыў, што на хуткасныя «ластаўкі» прыпадае каля 26% паездак, астатняе — на начныя саставы.
