Уладзімір Зяленскі сустрэўся з начальнікам Галоўнага ўпраўлення разведкі Мінабароны Кірылам Буданавым і прапанаваў яму ўзначаліць Офіс прэзідэнта Украіны. Паводле слоў украінскага лідара, цяпер Украіне неабходна засяродзіцца на пытаннях бяспекі, развіцці Сіл абароны і дыпламатычным трэку ў перамовах.
«Зараз Украіне трэба больш засяродзіцца на пытаннях бяспекі, развіцця Сіл абароны і бяспекі Украіны, а таксама на дыпламатычным трэку ў перамовах, і Офіс Прэзідэнта будзе служыць выкананню перадусім такіх задач нашай дзяржавы. Кірыл мае спецыяльны досвед у гэтых напрамках і дастатковую сілу для дасягнення вынікаў», — праінфармаваў ён.
Прэзідэнт даручыў новаму кіраўніку Офіса прэзідэнта сумесна з сакратаром Савета нацыянальнай бяспекі і абароны Украіны і іншымі кіраўнікамі і інстытутамі абнавіць стратэгічныя асновы абароны і развіцця краіны і прадставіць іх на зацвярджэнне, а таксама вызначыць далейшыя крокі па рэалізацыі стратэгічных задач.
Нагадаем, раней пасаду кіраўніка Офіса прэзідэнта Украіны займаў Андрэй Ярмак. У канцы лістапада Нацыянальнае антыкарупцыйнае бюро Украіны і Спецыяльная антыкарупцыйная пракуратура правялі вобшукі ў Ермака дома. Пасля гэтага ён падаў заяву аб адстаўцы.
