ААТ «Агенцтва па кіраванні актывамі» зможа выпусціць у 2026 годзе аблігацыі на 500 млн рублёў. Такі ліміт эмісіі даўгавых каштоўных папер устаноўлены для агенцтва сумеснай пастановай Савета Міністраў і Нацбанка №767/28 ад 24 снежня.
Ліміт на 2026 год на 200 млн рублёў меншы, чым быў устаноўлены на 2025 год.
Паводле даных Рэспубліканскага цэнтральнага дэпазітарыя каштоўных папер, у гэтым годзе агенцтва эмісавала чатыры выпускі аблігацый на агульную суму 254,9 млн рублёў.
«Агенцтва па кіраванні актывамі» выкарыстоўваецца для вырашэння даўгавых праблем прадпрыемстваў. Першапачаткова яго стварылі для выкупу даўгоў сельскагаспадарчых арганізацый, але пазней паўнамоцтвы агентства распаўсюдзілі і на прамысловасць. Яно выпускае аблігацыі, сродкі ад размяшчэння якіх у беларускіх банках накіроўваюцца на выкуп абавязацельстваў праблемных прадпрыемстваў у гэтых фінансавых устаноў.